Pashto Sad Poetry | Pashto Poetry Wala

د خپل مظلوم اولس د چا څخه ژغورنه وکړم؟ 

څوک مو قاتل دى او د چا نه يې پوښتنه وکړم؟ 

خدايه په دې تنکي مخونو يې زړۀ څنګه کېدو

دا څنګه زړۀ دى په کوم ټکي يې غندنه وکړم؟ 

د چا لاسونه د چا پښې د چا سرونه مات دي

په کوم بدن باندې د کوم پرهار ګنډنه وکړم؟ 

ټوله دنیا راته سور اور شوه آخر چيرته لاړ شو

کوم در ته وژړم د چا نه به غوښتنه وکړم؟ 

وير دى ماتم دى په هر کور کې واويلا شروع ده

مشکور د کوم يو غمځپلي ډاډګيرنه وکړم؟